ИРИНФО.ru

» » Битарты Вячеслав фембæлд епископ Леонидимæ

Битарты Вячеслав фембæлд епископ Леонидимæ

Хабæрттæ
297
0

Зындгонд куыд у, афтæмæй ивгъуыд майрæмбоны республикæмæ ссыд æмæ йæ хæстæ æххæст кæнын райдыдта Дзæуджыхъæу æмæ Аланийы епархийы ног нысангонд епископ фыд ЛЕОНИД (Горбачев). Уыцы бон епископ Леонид фембæлд Республикæ Цæгат Ирыстон-Аланийы Сæргълæууæджы хæстæ рæстæгмæ æххæстгæнæг БИТАРТЫ Вячеславимæ.


Дины кусæгæн æгасцуай зæгъгæйæ, Битарты Вячеслав йæ раныхасы загъта: «Ирыстоны зæххыл дæ архайд æнтыстджын куыд уа, уый дын мæ зæрдæ зæгъы. Республикæйы Хицауад дын æппæтвæрсыг æххуыс кæндзæн. Уæлдайдæр та, махмæ ахæм æмгуыстады хорз фæлтæрддзинад кæй ис, уый хынцгæйæ. Ноджы æнгомдæр æмархайд кæй кæндзыстæм, ууыл дызæрдыг нæ кæнын». Епископ Леонид уыцы арфæйы тыххæй бузныг загъта æмæ зæрдæ бавæрдта, йæ фæлтæрддзинад республикæйы фæрныгадæн кæй снывонд кæндзæн, уымæй. «Ирыстоны зæхмæ куыддæр æрбакъахдзæф кодтон, афтæ банкъардтон адæмы узæлд. Фæстаг 14 азы дæргъы Стыр Хуыцауæн лæггад кодтон фæсарæйнаг бæстæты. Ныр та Уырыссаг чырыстон аргъуаны сыгъдæг синоды уынаффæйæ мæ куыст адарддæр кæндзынæн Дзæуджыхъæу æмæ Аланийы епархийы. Ацы епархийæн рагон æмæ хъæздыг истори ис. Æмæ мæнæн æхсызгон у, ацы уæздан адæмы ‘хсæн кæй цæрдзынæн, уый», — фæнысан кодта епископ Леонид. Йе ссыды бон Дзæуджыхъæу æмæ Аланийы епископ фыццаджы-фыццагдæр бабæрæг кодта, Беслæны фыццæгæм скъолайы террористон фыдракæнды рæстæг чи фæмард, уыцы æнаххос адæмы мемориалон уæлмæрд æмæ дзы сарæзта номарæн ракуывд. Уый фæстæ епископ кувæг адæмимæ фембæлд Дзæуджыхъæуы Сыгъдæг Георгийы аргъуаны.


Нæ уацхæссæг


Запись Битарты Вячеслав фембæлд епископ Леонидимæ впервые появилась РÆСТДЗИНАД.

Социальные комментарии Cackle
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.