ИРИНФО.ru

» » Нæ лæппутæ та фесгуыхтысты

Нæ лæппутæ та фесгуыхтысты

Хабæрттæ
254
0

Румыны сæйраг горæт Бухаресты уæгъдибар хъæбысхæстæй æрыгæтты ‘хсæн Европæйы чемпионаты Уæрæсейы командæ бацахста 1-аг бынат.


Нæ бæстæйы иугонд командæйы цыппар уæзы хæцыдысты ирон богæлттæ. Нæ 20-аздзыд богæлттæ Бухаресты рамбылдтой 2 сыгъзæрин æмæ 2 æвзист майданы. Сыгъзæрин майдантæй хорзæхджын систы Цомартаты Уырызбег (60кг) æмæ Байаты Давид (66кг). 2-аг бынæттæ æмæ æвзист майдантæ рамбылдтой Сидахъаты Зауырбег (74кг) æмæ Цæкулаты Батырбег (84кг). Нæ командæйы хистæр тренер Лалыты Вадим зæгъы: «Æмтгæй райсгæйæ, Уæрæсейы командæйы архайд уыди раппæлинаг. Нæ фæсивæд сæхи равдыстой тынг сæрæнæй. Æдæппæтæй рамбылдтам 6 сыгъзæрин æмæ 2 æвзист майданы. Ахæм бæрæггæнæнтæ рагæй нал уыди æмæ уый нæ тыхыл дзурæг у. Ирон лæппутæ дæр сты раппæлинаг. Цомартаты Уырызбег æмæ Байаты Давид сæ гæнæнтæй кæронмæ спайда кодтой æмæ бацахстой 1-аг бынæттæ. Раст зæгъгæйæ, нæ зæрдæ дардтам Сидахъаты Зауырбег æмæ Цæкулаты Батырбегыл дæр. Уыдон сæ ныхмæлæуджытæй лæмæгъдæр никæмæй уыдысты, фæлæ алцы дæр æрцæуы æмæ ацы хатт дыууæйæ дæр 2аг бынæтты баззадысты. Уый, кæй зæгъын æй хъæуы, æвзæр æвдисæн нæу, фæлæ мах тырнæм ноджы стырдæр нысанмæ æмæ ныр нæ рæдыдтытыл ахъуыды кæндзыстæм». Æнæмæнг, нæ лæппуты архайд банымайын хъæуы æнтыстджыныл æмæ сын зæгъæм: «Уæ цæрæнбонтæ бирæ уæнт æмæ уæ къухы фидæны ноджы стырдæр уæлахизтæ бафтæнт».


Запись Нæ лæппутæ та фесгуыхтысты впервые появилась РÆСТДЗИНАД.

Социальные комментарии Cackle
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.