ИРИНФО.ru

» » Михайловскæйы сæрмагонд профессионалон училищæйы ахуырдзауты сæхимæ ахуыдтой бæхыл бадæг пъæлицæйæгтæ

Михайловскæйы сæрмагонд профессионалон училищæйы ахуырдзауты сæхимæ ахуыдтой бæхыл бадæг пъæлицæйæгтæ

Новости
319
0
Фæлмæнзæрдæ æнкъарæнтимæ. Михайловскæйы сæрмагонд профессионалон училищæйы ахуырдзауты сæхимæ ахуыдтой бæхыл бадæг пъæлицæйæгтæ. Лæппутæн канд бæхыл сбадыны фадат нæ уыд, фæлæ ма базонгæ сты ацы цымыдисаг службæйы куыстимæ. Сæ архайд та ахъаз у зынвадат рæтты, хъæдты æмæ фæндаг кæдæм нæ цæуы, ахæм бынæтты.

Ахæм дзæбæхгæнæн мадзæлттæм чи нæ бахæлæг кæндзæн. Бæхыл бадгæйæ, рæзгæ сывæллæттæ кæнынц фидардæр æмæ тыхджындæр. Пæррæстаты Таймураз æй хорз хъуыды кæны, бæхыл фыццаг хатт куыд сбадти, уый.

Михайловскæйы сæрмагонд профессионалон училищæйы ахуыргæнинæгты ипподроммæ æрбахуыдтой бæхджын пъæлицæйы инспектортæ. Куыд зæгъынц, афтæмæй æрыгæттæн ахæм уæлдай цæстдард æмæ узæлд сты тынг ахсджиаг. Сывæллæтты зæрдæмæ ипподромы тынг цæуы. Фыццаджыдæр бæхыл бадын тынг уарзынц. Дыккаджы та сын радзурынц бахыл бадæг пъæлицæйы куысты тыххæй. Уый нымад у барадхъахъхъæнæн службæйы кадджындæр дæлхайадыл. Сæ хæслæвæрдтæ дæр иннæтæй зынгæ хицæн кæнынц. Кусынц хъæдты æмæ, зын бацæуæн кæдæм у, ахæм рæтты.

Рæзгæ фæлтæры минæвæртты ма ам ахуыр кæнынц, бæхтæм куыд зилын хъæуы, ууыл. Гуырын сæм кæнынц æгæрон уарзондзинад цыппаркъахыг æрдхæрдтæм. Уымæн æмæ рагæй хъуыстгонд у, бæхтимæ архайгæйæ адæймаджы удыхъæд кæны фидардæр, æнкъарæнтæ та рæсугъддæр. Афтæмæй та хæлар ахастдзинæдтæн æнæ уæвгæ нæй.

Фидараты Маринæ

Источник: alaniatv.ru
Социальные комментарии Cackle
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.