ИРИНФО.ru

» » Цæгат Ирыстоны хъæууон хæдзарады æмæ хойраджы промышленносты зынаргъ кусджытæ!

Цæгат Ирыстоны хъæууон хæдзарады æмæ хойраджы промышленносты зынаргъ кусджытæ!

Газета Растдзинад
339
0

Зæрдиаг арфæ уын кæнын уæ профессионалон бæрæгбоны фæдыл!

Фыдыбæстæйаг экономикæ æмæ уæрæсейæгты фæрныгады рæзт æппæт рæстæджыты дæр аразгæ уыд хъæууон хæдзарады æмæ хойраджы промышленносты æнтыстдзинæдтæ æмæ сгуыхтдзинæдтæй.

Нæ республикæ кæддæриддæр сæрыстыр уыд, зæххыл чи фæллой кæны, уый чи рæвдауы, хор, халсартæ æмæ, æрвылбон адæмы чи хъæуы, уыцы хойраджы æндæр продукттæ чи зайын кæны, уыдонæй. Хъæууон хæдзарады стыр æнтыстдзинæдтæ чи равдыста, уыцы хъазуатон фæллойгæнджыты нæмттæ абон дæр сты Цæгат Ирыстоны намысджын фæллойадон азфысты «Кады фæйнæгыл». Уæлдай ахъаззаджы нысаниуæг ныртæккæ ис тæккæ ногдæр технологитæй æмæ зæххы куысты фидар традицитимæ баст раззагдæр фæлтæрддзинадæй пайда кæнынæн. Уыдоныл кæддæриддæр æнцой кодтой нæ республикæйы бирæнацион адæм.

Цæгат Ирыстоны разамынд йæхирдыгæй дарддæр хъæддыхæй архайдзæн хъæугæ мадзæлттæ аразыныл хъæуты фæллойгæнджыты куысты пайда бæлвырд фæфылдæр кæныныл, цæмæй æнтыстджындæрæй æмæ æххæстдæрæй царды уагъд æрцæуой къабазы фидæны сæйраг нысантæ æмæ проекттæ.

Æз афтæ æнхъæлын, æмæ ахæм хуызы куы бацæуæм хъуыддагмæ, уæд нæ бон бауыдзæн аграрон къабаз ног хæрзхъæд æмæ нырыккон æмвæзадмæ ракæнын.

Сымахæй алкæмæндæр мæ зæрдæ зæгъы æнæниздзинад, амонд æмæ арфæйаг хъуыддæгтæ нæ Ирыстон дидинæг æфтауыны сæраппонд. Уадз æмæ уæ хæдзæртты æдзухдæр уа сабырдзинад, амонд æмæ фæрныгад.


БИТАРТЫ Вячеслав,

Республикæ Цæгат Ирыстон-Аланийы Сæргълæууæг

Социальные комментарии Cackle
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.