ИРИНФО.ru

» » Фæлварæнтæ. Фаронæй хуыздæр

Фæлварæнтæ. Фаронæй хуыздæр

Новости / Хабæрттæ
2 802
153

Рауагъдонтæй аттестат райсынæн баллтæ кæмæн не ‘сфаг, уыдоны нымæц дæр ацы аз у иннæ хæттытæй къаддæр. Аттестат райсынæн хъæуы 24 баллы. Процентон абарстæй 2015 аз уыцы баллтæ чи нæ райста фæлварæнты, уыдоны нымæц уыд 13 проценты, ацы аз та — 5 проценты. Уæлдæр ахуыргæнæндæттæм гæххæттытæ бадæттынæн Иумæйаг паддзахадон фæлварæнты райсын хъæуы æппын къаддæр 36 баллы. Фарон уыйбæрц баллтæ райсын сæ къухы нæ бафтыд рауагъдонтæй 13, 5 процентæн, ацы аз та -10 процентæн. Ацы аз уырыссаг æвзагæй фаг баллтæ чи нæ райста, уымæн йæ бон у фæлварæн дыккаг хатт раттын, кæд Иумæйаг фæлварæнты æнæмæнг предмет-математикæйæ фæлварæн уагыл лæвæрд æрцыд, уæд. Хицæнæй зæгъын хъæуы, ацы азы рауагъдонтæй уырыссаг æвзагæй 80 баллы чи райста, уыдоны нымæц кæй у 768 адæймаджы (17 проценты). Фаронимæ абаргæйæ — 7,3 проценты фылдæр! Уæрæсейы Федерацийы Президенты æххæстбарджын минæвар Цæгат Кавказы зылды Сергей Меликов куыд загъта, афтæмæй 80 проценты æмæ фылдæр цы рауагъдонтæ райстой фæлварæны, уыдоны куыстытæм æркæсдзысты дыккагæй. Ацы аз ахуыры афæдзы кæронбæттæны нæ республикæйы скъолаты уыд федералон проект «Я сдам ЕГЭ». Йæ нысан – рауагъдонты Иумæйаг паддзахадон фæлварæнтæм бацæттæ кæнын. Цы дзы рауад, уымæн æвдисæн стæм. ХЕТÆГКАТЫ-УАНИТЫ Оксанæ

Социальные комментарии Cackle
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.